Qoraqalpog‘iston Vazirlar Kengashi axborot xizmatiga yangi rahbar tayinlandi. Bu haqda Vazirlar Kengashi axborot xizmatining rasmiy kanalida xabar berildi.
Ma’lum qilinishicha, Bektursin Xojanov Qoraqalpog‘iston Respublikasi Vazirlar kengashi axborot xizmati rahbari — matbuot kotibi lavozimiga tayinlangan. U tayinlovga qadar Xo‘jayli tumanida tashkiliy nazorat — kadrlar bo‘limi boshlig‘i lavozimida ishlagan. Undan oldin bir muddat tuman hokimligi axborot xizmati rahbari sifatida faoliyat olib borgan.
Eslatib o‘tamiz, Xojanovgacha Qoraqalpog‘iston hukumatida Azamat Ajimuratov ishlab kelayotgandi. Qoraqalpog‘iston rahbari Amanbay O‘rinbayev bo‘lgach, birinchi o‘zgarish sifatida Azamat Ajimuratov Jo‘qorg‘i Kenges axborot xizmati rahbarligiga o‘tgandi.
Izoh (0)