Tojikistonda xurmodan chipslar tayyorlash yo‘lga qo‘yildi

Tojikistonning Xatlon viloyati Kushoniyon tumanidagi “Behbudiy” ishlab chiqarish kooperativi xurmodan yangi turdagi meva chipslari ishlab chiqarishni yo‘lga qo‘ydi. Bu haqda EastFruit xabar bermoqda.

Ushbu mahsulotlarni nafaqat ichki bozorga, balki eksportga ham chiqarish rejalashtirilgan. Mazkur kooperativda ishlab chiqarilayotgan xurmo chipslari o‘ziga xos ta’mi va sifat ko‘rsatkichlari bilan ajralib turadi.

Ayni paytda Tojikistonda xurmo yig‘im-terimi mavsumi davom etmoqda. Tojikistonning iqlim sharoiti ushbu turdagi mevani yetishtirish uchun qulay bo‘lib, keyingi yillarda xurmo plantatsiyalari maydoni sezilarli darajada kengaygan.

Bundan tashqari, keyingi yillar Tojikistonda quritilgan mevalar va meva chipslarini ishlab chiqarish hajmi ham ortib bormoqda.

Avvalroq suv toshqinlari oqibatida Pokiston O‘zbekistondan katta miqdorda piyoz sotib ola boshlagani haqida xabar berilgan edi.