AQSHning Yum! Brends kompaniyasi Rossiyadagi biznesini, jumladan, 70 ta KFC restorani va brendning asosiy franshizasini mahalliy hamkorga o‘tkazish jarayonini boshladi. Bu haqda “Kommersant” xabar bermoqda.
Restoran tarmoqlari Konstantin Kotov va Andrey Oskolkovga tegishli Food service kompaniyalar guruhining franshizasiga aylanadi.
Tranzaksiyani yakunlash nazorat qiluvchi va davlat organlari hamda tomonlar bilan kelishilgan holda boshqa shartlar asosida amalga oshiriladi, — deyiladi kompaniya xabarida.
Bitim ishtirokchilari nafaqat muassasalarni rebrending qilish, balki kompaniyaning Rossiyadagi ish joylarini saqlab qolishga ham kelishib olgan.
Bitim miqdori oshkor etilmagan. U yakunlangach, brendning amerikalik egalari Rossiya bozorini tark etadi.
Kompaniya avvalroq mamlakatdagi barcha Pizza Hut franshiza aktivlariga egalik huquqi mahalliy operatorga o‘tkazilishi yakunlangani haqida e’lon qilgan edi.
Izoh (0)