Kelgusi besh yil ichida Ozarbayjon Yevropaga gaz yetkazib berishni ikki barobarga oshirish niyatida. 2027-yilga borib bu 20 milliard kub metrni tashkil qiladi. Bu haqda Ozarbayjon prezidenti Ilhom Aliyevga tayanib, “Kommersant” xabar bermoqda.
Bu yil biz Ozarbayjon va Yevropa komissiyasi o‘rtasida o‘zaro anglashuv memorandumini imzoladik. Kelgusi besh yil ichida Ozarbayjon Yevropaga tabiiy gaz eksportini ikki baravar oshirishni rejalashtirmoqda. 2027-yilgacha Yevropaga qariyb 20 milliard kub metr tabiiy gaz eksport qilishni rejalashtirmoqdamiz, — dedi Aliyev.
Unga ko‘ra, jahon bozorlariga neft yetkazib berish ham Boku—Tbilisi—Jayhon va Baku—Supsa neft quvurlari orqali oshiriladi.
Ozarbayjon hukumati Gruziya g‘arbidagi Supsa qishlog‘ida joylashgan neft terminalidan foydalanishga umid qilmoqda.
18-iyul kuni Ozarbayjon va Yevropa komissiyasi Bokuda energetika sohasida hamkorlik bo‘yicha memorandum imzoladi, u Janubiy gaz yo‘lagi (SGC) quvvatini ikki barobar oshirishni o‘z ichiga oladi.
Avvalroq Yevropada gaz narxi keskin pasaygani haqida xabar berilgandi.
Izoh (0)