Qashqadaryoda ichimlik suvi ta’minotini yaxshilash uchun 123 mln yevro jalb qilinadi

“O‘zsuvta’minot” AJ va Fransiyaning “Eiffage Génie Civil” kompaniyasi “Yakkabog‘—Qarshi magistral ichimlik suv quvurini qurish va mavjud suv taqsimlash inshootlarini rekonstruksiya qilish” loyihasini amalga oshirish bo‘yicha kelishuvga erishdi. Bu haqda viloyat hokimligi axborot xizmati xabar berdi.

Mazkur loyiha uchun Fransiya Moliya vazirligi 40 yil muddatga 15 yillik imtiyozli davr bilan 123,2 million yevro kredit ajratadi.

“Eiffage Génie Civil” kompaniyasi tomonidan loyihaning texnik-iqtisodiy hisob-kitobi ishlab chiqilib, Yakkabog‘—Qarshi yo‘nalishidagi 82 km magistral suv quvuri, 4 ta 10 ming metr kub hajmli suv saqlash inshootlarini qurish ishlari amalga oshiriladi.

Mavzuga doir:

• Toshkent shahar issiqlik ta’minoti Fransiya kompaniyasiga sheriklikka berildi
• “O‘zbekistondagi 2265 ta mahallada umuman suv yo‘q” — “O‘zsuvta’minot” raisi