Yaponiya O‘zbekistonga kichik ijtimoiy loyihalarga beg‘araz yordam ko‘rsatish davlat dasturi doirasida Toshkent, Buxoro viloyati va Qoraqalpog‘istondagi uchta tibbiyot muassasasini jihozlash uchun 270,6 ming dollardan ortiq mablag‘ ajratdi. Bu haqda Yaponiyaning O‘zbekistondagi elchixonasi ma’lum qildi.
Qayd etilishicha, 20-oktabr kuni Sog‘liqni saqlash vazirligida uchta loyiha bo‘yicha grant shartnomalarini imzolash marosimi bo‘lib o‘tgan.
Grantlar uchta tibbiyot muassasasini tibbiy asbob-uskunalar bilan ta’minlash uchun ajratiladi. Bular:- Qoraqalpog‘iston Respublikasi Nukus viloyati tibbiyot birlashmasi (90,6 ming dollar);
- Buxoro viloyati Peshku tumani tibbiyot birlashmasi (90 ming dollar);
- Toshkent shahrining Olmazor tumanidagi 17-sonli oilaviy poliklinika (89,9 ming dollar).
Yaponiya elchisi Yoshinori Fujiyama 1995-yildan buyon ushbu dastur doirasida sog‘liqni saqlash, ta’lim va qishloq xo‘jaligi sohalarida umumiy qiymati qariyb 27,6 million dollarlik 410 dan ortiq loyiha amalga oshirilganini ta’kidlagan.
Izoh (0)