Bugun,

  • USD 11014.01
  • RUB 191.8
  • EUR 10674.78

Vazirlar Mahkamasining tegishli qaroriga muvofiq, Veolia Energy Tashkent kompaniyasi 1-iyuldan ilgari “Toshissiqquvvati” boshqaruvida bo‘lgan barcha faoliyat turlarini amalga oshirishni boshladi, Bu haqda Davlat-xususiy sheriklikni rivojlantirish agentligi xabar qildi.

Foto: Davlat-xususiy sheriklikni rivojlantirish agentligi

Foto: Davlat-xususiy sheriklikni rivojlantirish agentligi

Qayd etilishicha, kompaniyaga Toshkent shahrining markazlashtirilgan issiqlik ta’minoti tizimini ekspluatatsiya qilish, texnik xizmat ko‘rsatish va boshqarish vazifalari yuklatilgan. 2021-yil 29—30-sentabr kunlari Toshkentda bo‘lib o‘tgan “O‘zbekiston iqtisodiy forumi” doirasida Moliya vazirligi, Toshkent shahri hokimiyati va Veolia Energy Tashkent o‘rtasida davlat tomonidan qo‘llab-quvvatlash bitimi imzolangan.

Unga ko‘ra, Toshkent shahar issiqlik ta’minotini davlat-xususiy sheriklik shartlari asosida Fransiyaning Veolia (xususiy sherik) kompaniyasiga 30 yil muddatga boshqaruvga berilgan. Dastlabki 2 yilda unga pilot loyiha sifatida Bektemir va Sergeli tumanlaridagi 118 ta ko‘p qavatli uy va 43 ta ijtimoiy soha obyektining issiqlik tizimlari modernizatsiya qilinadi, ya’ni yopiq tizimga o‘tkaziladi.

Pilot loyiha doirasida kompaniyaning 15 million yevro investitsiyasi hisobiga 13,5 mingta issiqlik va 153 mingta issiq suv o‘lchagichlarini o‘rnatish, 142 ta avtotransport, 451 ta texnika va 1 ta mobil qozonxonani xarid qilish, 1 142 ta issiqlik stansiyasini o‘rnatish va rekonstruksiya qilish, 22,3 gkal/s quvvatli lokal qozonlarni modernizatsiya qilish, 53,4 km issiqlik tarmoqlarini rekonstruksiya qilish ko‘zda tutilmoqda.

Loyiha amal qilish davrida xususiy sherik tomonidan jami 181 ta inshoot va qozonxonani modernizatsiya qilish, 575,6 kilometr issiqlik tarmoqlarini qurish, 841,1 kilometr tarmoqlarni rekonstruksiya qilish, 51,5 ming dona issiqlik va 2 464,6 ming dona issiq suv o‘lchagichlarni o‘rnatish, shuningdek, 391 ta maxsus texnika (avtomashinalar) xarid qilinadi.

Foto: Davlat-xususiy sheriklikni rivojlantirish agentligi

Foto: Davlat-xususiy sheriklikni rivojlantirish agentligi

Mazkur ishlarni moliyalashtirishga xususiy sherik tomonidan 362 million yevro (shundan, 20 million yevro to‘g‘ridan to‘g‘ri investitsiya, 342 million yevro loyihadan olinadigan foydasi hisobidan) va 982 million yevro iste’molchilardan olinadigan to‘lov mablag‘lari hisobidan jalb qilinadi.

Tariflarning keskin oshib ketishining oldini olish maqsadida aholiga pasaytirilgan tariflarni qo‘llash va ko‘riladigan zararlarni qoplash uchun Toshkent shahar budjetidan 2021—2027-yillarda 8,4 trillion so‘m subsidiya ajratiladi. Loyihadan oladigan sof foydaning tannarxiga nisbatan 10 foizini xususiy sherikka, undan oshgan qismini esa Toshkent shahar hokimligi qoshida tashkil qilinadigan Jamg‘armaga yo‘naltiriladi. Jamg‘armaga, shuningdek, davlat subsidiyalari va iste’molchilardan olinadigan to‘lovlarning kapital ta’mirlash uchun ajratiladigan qismi ham yo‘naltiriladi.

Loyiha ijrosini monitoring qilish uchun Toshkent shahar hokimligida mavjud shtatlar doirasida 4 ta xodimdan iborat davlat-xususiy sheriklik bo‘limi tashkil qilingan.

Loyiha natijasida issiqlik ta’minoti samaradorligi 50 foizga oshadi hamda issiqlik yo‘qotilishi 44 foizdan 20 foizga pasaytiriladi. Yillik tabiiy gaz sarfi 45 foizga, elektr energiyasi sarfi 25 foizga, ichimlik suv sarfi 40 foizga tejaladi. Shuningdek, loyiha davri mobaynida jami 9,2 milliard metr kub tabiiy gaz, 3,1 milliard kVt elektr energiyasi va 1,1 milliard metr kub ichimlik suvi tejalib, jami 13,6 trillion so‘mlik xarajatlar iqtisod qilinishiga erishiladi.

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi