AQSH o‘z qo‘shinlarini Ukrainaga yubormoqchi emas. Bu haqda CBS telekanali efirida Milliy xavfsizlik kengashining strategik kommunikatsiyalar bo‘yicha koordinatori Jon Kirbi aytib o‘tdi.
“Oliy bosh qo‘mondonning Amerika qo‘shinlari Ukraina hududidagi jangovar harakatlarda qatnashmasligi haqidagi qarorida hech qanday o‘zgarishlar bo‘lgani yo‘q”, — dedi Kirbi.
Shu tariqa u telekanal orqali namoyish etilgan syujetga o‘z munosabatini bildirdi, unda AQSH Quruqlik qo‘shinlarining Ruminiyaga yetib borgan 101-havo-desant diviziyasi komandiri “Ukraina hududiga kirishga” tayyorligini ma’lum qilgandi.
Eslatib o‘tamiz, avvalroq AQSH 80 yil ichida birinchi marta Yevropaga 4,7 ming harbiydan iborat “Baqiroq burgutlar” diviziyasini joylashtirgandi, ular harbiy mashg‘ulotlarda qatnashadi. Diviziya qo‘mondoni nizo kuchaygan yoki NATOga hujum bo‘lgan taqdirda, u Ukraina hududiga kirishga tayyor turishini aytgandi.
“Baqiroq burgutlar”
AQSH armiyasining “Baqiroq burgutlar” 101-havo-desant diviziyasi Ikkinchi jahon urushida G‘arbiy Yevropadagi harbiy harakatlarda qatnashgan. Normandiyaga desant tushirishda, “Market Garden” operatsiyasida ishtirok etgan.1965-yilda 101-diviziya brigadasi Vyetnam urushida, 2003-yilda esa Iroqqa bostirib kirishda qatnashgan.
Izoh (0)