Germaniya prezidenti Frank-Valter Shtaynmayer bugun, 25-oktabr kuni ertalab e’lon qilinmagan tashrif bilan Kiyevga keldi, deb xabar bermoqda NTV telekanali. Bu uning Rossiya bosqini boshlanganidan beri Ukrainaga birinchi safari. Shtaynmayer Ukraina prezidenti Vladimir Zelenskiy bilan uchrashishi kutilmoqda.
Focus jurnalining qayd etishicha, Germaniya prezidenti Ukrainaga uchinchi urinishda kelgan. Dastlab uning tashrifi 12-aprelga belgilangan edi, biroq o‘sha kuni Ukraina tashabbusi bilan bu bekor qilindi. Frank-Valter Shtaynmayerning so‘zlariga ko‘ra, Kiyevda bu tashrif nomaqbul deb topilgan. U Zelenskiydan tushuntirish talab qildi. Ikkinchi tashrif 20-oktabrga belgilangan edi, biroq Rossiyaning Ukraina shaharlariga hujumlari kuchaygani sababli xavfsizlik nuqtai nazaridan safar bekor qilindi.
O‘sha kuni Germaniya va Ukraina prezidentlari telefon orqali gaplashgan. Shtaynmayer Ukrainaga infratuzilmani tiklashda ko‘mak va’da qilgan. Oktabr oyida Germaniya Kiyevga harbiy yordamning navbatdagi partiyasini xususan, patronlar va qishki kiyim-kechaklarni topshirdi. Bundan tashqari, Germaniya kansleri tez orada Ukrainaga yana uchta IRIS-T zenit-raketa kompleksi topshirilishini ma’lum qildi.
Izoh (0)