АҚШ ўз қўшинларини Украинага юбормоқчи эмас. Бу ҳақда CBS телеканали эфирида Миллий хавфсизлик кенгашининг стратегик коммуникациялар бўйича координатори Жон Кирби айтиб ўтди.
«Олий бош қўмондоннинг Америка қўшинлари Украина ҳудудидаги жанговар ҳаракатларда қатнашмаслиги ҳақидаги қарорида ҳеч қандай ўзгаришлар бўлгани йўқ», — деди Кирби.
Шу тариқа у телеканал орқали намойиш этилган сюжетга ўз муносабатини билдирди, унда АҚШ Қуруқлик қўшинларининг Руминияга етиб борган 101-ҳаво-десант дивизияси командири «Украина ҳудудига киришга» тайёрлигини маълум қилганди.
Эслатиб ўтамиз, аввалроқ АҚШ 80 йил ичида биринчи марта Европага 4,7 минг ҳарбийдан иборат «Бақироқ бургутлар» дивизиясини жойлаштирганди, улар ҳарбий машғулотларда қатнашади. Дивизия қўмондони низо кучайган ёки НАТОга ҳужум бўлган тақдирда, у Украина ҳудудига киришга тайёр туришини айтганди.
«Бақироқ бургутлар»
АҚШ армиясининг «Бақироқ бургутлар» 101-ҳаво-десант дивизияси Иккинчи жаҳон урушида Ғарбий Европадаги ҳарбий ҳаракатларда қатнашган. Нормандияга десант туширишда, «Маркет Garden» операциясида иштирок этган.1965 йилда 101-дивизия бригадаси Вьетнам урушида, 2003 йилда эса Ироққа бостириб киришда қатнашган.
Изоҳ (0)