NATO bosh kotibi Yens Stoltenberg Ukraina “iflos bomba”dan foydalanishiga ishonmaydi. Bu haqda u 24-oktabr, dushanba kuni Politico gazetasining Yevropa nashriga bergan intervyusida aytib o‘tdi, deb yozadi “TASS”.
“Kiyev ‘iflos bomba’lardan foydalanishi mumkinligi haqidagi iddaolar bema’nilik. Bu ishni o‘zi ozod qilish uchun qizg‘in kurash olib borayotgan o‘z hududida qilmaydi”, — deydi Stoltenberg.
Rossiya Qurolli kuchlarining Radiatsiya, kimyoviy va biologik himoya qo‘shinlari boshlig‘i Igor Kirillovning aytishicha, Kiyev rejimi “iflos bomba”ning portlatishini Rossiyaning past rentabelli g‘ayritabiiy yadroviy operatsiyasi sifatida niqoblashi mumkin. Uning tushuntirishicha, “iflos bomba” portlatilganda, havoda radioaktiv izotoplar borligi Yevropada o‘rnatilgan xalqaro monitoring tizimining datchiklari orqali qayd etiladi va keyinchalik Rossiya Federatsiyasini taktik yadro qurolidan foydalanganlikda ayblashadi.
“Iflos bomba” bilan mojarolar
23-oktabr kuni mudofaa vaziri Sergey Shoygu NATOning to‘rtta davlatidagi hamkasblari bilan bog‘lanib, Ukraina “iflos bomba” yordamida “provokatsiya”ni rejalashtirayotganini aytdi. Ukraina “iflos bomba” haqidagi xabarlarni yolg‘on deb atadi. Prezident Vladimir Zelenskiy Ukrainada bunday bombadan faqat Rossiya foydalanishi mumkinligini aytdi.
G‘arb davlatlari fikricha, Rossiyaning “iflos bomba” haqidagi ogohlantirishlari yangi eskalatsiya uchun bahona. “Ukraina o‘z hududida iflos bomba qo‘llashga tayyorlanayotgani haqidagi Rossiyaning ochiqdan ochiq yolg‘on da’volarini barchamiz rad etamiz”, — deyiladi Fransiya, Buyuk Britaniya va AQSH tashqi ishlar vazirlari qo‘shma bayonotida.
Mavzuga doir: G‘arb ‘qizil chiziq’ning kengligini o‘lchamasligi kerak” — Mariya Zaxarova
Izoh (0)