Ukrainadagi urush sababli dunyoda birinchi chinakam global energetika inqirozi ro‘y bermoqda. Bu haqda Xalqaro energetika agentligi (IEA) ijrochi direktori Fotih Birolga tayanib “TASS” xabar bermoqda.
Biz ilk chinakam global inqirozning o‘rtasida turibmiz. Dunyo hech qachon bunday chuqur va murakkab energiya inqiroziga guvoh bo‘lmagan, — dedi u.
Birol o‘zgarish sababi sifatida Ukrainada urush boshlanganini ko‘rsatdi. Unga ko‘ra, 24-fevralgacha Rossiya neft, gaz va ko‘mirning “birinchi raqamli” eksportchisi bo‘lgan. Ammo keyin energiya bozorlarida “katta burilish” yuz berdi.
Ukrainadagi urush tinch yo‘l bilan hal qilinmaguncha gaz va neft bozorlarida katta beqarorlik bo‘ladi, — dedi Birol.
Jahon iqtisodiyotidagi muammolar dollar kursining kuchayishi bilan emas, balki alohida mamlakatlarda iqtisodiy o‘sishning yo‘qligi bilan bog‘liq.
Dollar 2000-yildan beri eng yuqori ko‘rsatkichga yetdi va yil boshidan buyon iyenaga nisbatan 22 foizga, yevroga nisbatan 13 foizga va rivojlanayotgan bozor valyutalariga nisbatan 6 foizga oshdi.
Bu deyarli barcha mamlakatlar uchun muhim makroiqtisodiy ta’sirga ega, chunki dollar xalqaro savdoda eng ko‘p qo‘llaniladigan valyutadir, — dedi Xalqaro valyuta fondi.
Dollar kursining kuchayishi Rossiyadan bir qator tovarlar importiga qarshi sanksiyalar fonida yuzaga kelgan energetika inqirozi bilan bog‘liq.
Izoh (0)