Украинадаги уруш сабабли дунёда биринчи чинакам глобал энергетика инқирози рўй бермоқда. Бу ҳақда Халқаро энергетика агентлиги (IEA) ижрочи директори Фотиҳ Биролга таяниб «ТАСС» хабар бермоқда.
Биз илк чинакам глобал инқирознинг ўртасида турибмиз. Дунё ҳеч қачон бундай чуқур ва мураккаб энергия инқирозига гувоҳ бўлмаган, — деди у.
Бирол ўзгариш сабаби сифатида Украинада уруш бошланганини кўрсатди. Унга кўра, 24 февралгача Россия нефть, газ ва кўмирнинг «биринчи рақамли» экспортчиси бўлган. Аммо кейин энергия бозорларида «катта бурилиш» юз берди.
Украинадаги уруш тинч йўл билан ҳал қилинмагунча газ ва нефть бозорларида катта беқарорлик бўлади, — деди Бирол.
Жаҳон иқтисодиётидаги муаммолар доллар курсининг кучайиши билан эмас, балки алоҳида мамлакатларда иқтисодий ўсишнинг йўқлиги билан боғлиқ.
Доллар 2000 йилдан бери энг юқори кўрсаткичга етди ва йил бошидан буён иенага нисбатан 22 фоизга, еврога нисбатан 13 фоизга ва ривожланаётган бозор валюталарига нисбатан 6 фоизга ошди.
Бу деярли барча мамлакатлар учун муҳим макроиқтисодий таъсирга эга, чунки доллар халқаро савдода энг кўп қўлланиладиган валютадир, — деди Халқаро валюта фонди.
Доллар курсининг кучайиши Россиядан бир қатор товарлар импортига қарши санкциялар фонида юзага келган энергетика инқирози билан боғлиқ.
Изоҳ (0)