Yil boshidan beri O‘zbekiston eng ko‘p qaysi davlatlarga meva-sabzavot sotgani aniqlandi

2022-yilning yanvar—sentabr oylari davomida Ozbekistondan xorijiy mamlakatlarga umumiy qiymati 760,2 million dollarga teng bo‘lgan 1,23 million tonna meva-sabzavot mahsulotlari eksport qilingan. Bu haqda Prognozlashtirish va makroiqtisodiy tadqiqotlar instituti xabar bermoqda.

Bu esa 2021-yilning shu davridagi ko‘rsatkichga nisbatan 21,7 foiz ko‘p demakdir.

Meva-sabzavotlar eksportida qiymat jihatidan eng katta ulushni uzum (mayiz qo‘shgan holda) — 21,2 foiz, shaftoli — 9 foiz, mosh — 6,1 foiz, pomidor — 5,9 foiz, qovun va tarvuz — 4,7 foiz, gilos — 4,4 foiz, karam — 4,3 foiz, piyoz — 3,8 foiz egallaydi.

2022-yilning yanvar—sentabr oylarida eksportning umumiy hajmida meva-sabzavotlar ulushi 5,4 foizni tashkil etgan.

O‘zbekiston meva-sabzavot mahsulotlarining asosiy import qiluvchilari Rossiya (44,4 foiz), Qozog‘iston (21 foiz), Xitoy (6,8 foiz), Pokiston (6,4 foiz), Qirg‘iziston (4,4 foiz), Afg‘oniston (2,6 foiz), Turkiya (2,3 foiz), Belarus (1,9 foiz), Eron (1,3 foiz), Ozarbayjon (1 foiz) hisoblanadi.

Avvalroq O‘zbekiston bozorlarida oktabr oyidagi narxlar qanday ozgarayotgani haqida xabar berilgandi.