Alisher Usmonov Germaniyaning Weltwoche nashriga bergan intervyusida o‘zini oligarx deb hisoblamasligini aytib, Germaniyadagi villalarida o‘tkazilgan tintuvlarga izoh berdi.
Oligarx bu — davlat bilan aloqalar orqali pul topadigan va bu aloqalardan davlatga ta’sir o‘tkazish uchun foydalanadigan shaxs. Bu men bilan hech qachon sodir bo‘lmagan. 80—90-yillarda Gorbachyovni ham, Yelsinni ham tanimay, boyligimning poydevorini qo‘yganman. Xususiylashtirishda ham qatnashmadim, — deydi milliarder.
Alisher Usmonov uyidagi tintuvlardan hayratlanganini ham ta’kidlagan.
Qiziq, nega shuncha yillardan keyin menga qarshi da’volar to‘satdan paydo bo‘ldi? Ochig‘i, bu ayblovlar siyosiy asosga egadek, — deydi Usmonov.
Sentabr oyida Germaniyada Usmonovga aloqadorligi aytilayotgan 24 ta joyda tintuv o‘tkazilgan. U sanksiyalarni buzganlikda gumon qilinmoqda. Milliarderga nisbatan tergov harakatlari olib borilmoqda.
Avvalroq Alisher Usmonovning kompaniyasi Moskvadagi “Safisa” restoranini sotib yuborgan edi.
Izoh (0)