Iqtisodiy tadqiqotlar va islohotlar markazi O‘zbekiston avtomobil bozoridagi vaziyatni baholadi. Bu haqda markaz matbuot xizmati ma’lum qildi.
Sentabr oyida mahalliy ishlab chiqarilgan yangi yengil avtomobillar savdosi 26 mingtani tashkil etdi. Bu avgust oyiga nisbatan 58 foizga o‘sgan va 2021-yil sentabr oyiga nisbatan sotuvlar hajmi 2,9 baravar oshgan.
Mahalliy avtomobillarning birlamchi bozori
2021-yil sentyabr oyiga nisbatan yangi avtomobillar bozorida avtomobillarning oylik savdosi 2,3 baravar (+16,8 ming) oshdi.
Xorijda ishlab chiqarilgan avtomobillarning O‘zbekistondagi dilerlar orqali sotuvi 2022-yil uchun oylik rekord darajaga yetdi — 1 868 dona. Bundan avvalgi eng yaxshi natija o‘tgan yilning dekabrida 2 411 dona ko‘rsatkich bilan qayd etilgan edi.
Shu bilan birga, bir oy ichida birlamchi avtomobil bozorida taklif hajmi 43 foizga oshdi, bu esa avgust oyi oxirida UzAuto Motors tomonidan yangilangan Chevrolet Tracker avtomobillariga shartnomalar berish bilan bog‘liq.
Ikkilamchi avtomobil bozori
Yangi avtomobillar yetkazib berish hajmining ortishi hisobiga sentabr oyida ikkilamchi bozorda sotuvlar joriy yilning avgust oyiga nisbatan 5,4 foizga (93 mingta avtomobil) kamaydi.
Joriy yilning sentabr oyida xorijda ishlab chiqarilgan yangi avtomobillar sotuvi soni 1,9 mingtani tashkil etdi va oyiga 1,6 foizga o‘sdi.
Izoh (0)