Yevropa Ittifoqining 27 davlati yetakchilari energetika inqiroziga qarshi kurash choralari haqida kelishib oldi. Ular Yevropa komissiyasining bu boradagi takliflarini asos qilib olmoqchi.
“Biz energiya masalasi bo‘yicha kelishuvga erishdik, bu borada qattiq ishladik va muvaffaqiyatga erishdik”, — dedi Yevropa Kengashi prezidenti Sharl Mishel Bryusselda Yevropa Ittifoqining energiya inqirozi bo‘yicha sammiti markaziy masalasi bo‘yicha yevropalik yetakchilar bahsidan so‘ng.
O‘z navbatida, Yevropa Komissiyasi raisi Ursula fon der Lyayen ham endi energiya narxlari ustida ishlash bo‘yicha “yaxshi reja” borligini aytdi. Kelgusi hafta Yevropa Komissiyasining tegishli takliflari YI Energetika kengashi tomonidan muhokama qilinadi.
Yevropa Komissiyasi raisi yana bir bor Yevropa Ittifoqida qayta tiklanadigan energiya manbalarini rivojlantirish va qazib olinadigan energiya manbalaridan voz kechish muhimligini ta’kidladi.
Izoh (0)