Европа Иттифоқининг 27 давлати етакчилари энергетика инқирозига қарши кураш чоралари ҳақида келишиб олди. Улар Европа комиссиясининг бу борадаги таклифларини асос қилиб олмоқчи.
«Биз энергия масаласи бўйича келишувга эришдик, бу борада қаттиқ ишладик ва муваффақиятга эришдик», — деди Европа Кенгаши президенти Шарл Мишел Брюсселда Европа Иттифоқининг энергия инқирози бўйича саммити марказий масаласи бўйича европалик етакчилар баҳсидан сўнг.
Ўз навбатида, Европа Комиссияси раиси Урсула фон дер Ляен ҳам энди энергия нархлари устида ишлаш бўйича «яхши режа» борлигини айтди. Келгуси ҳафта Европа Комиссиясининг тегишли таклифлари ЕИ Энергетика кенгаши томонидан муҳокама қилинади.
Европа Комиссияси раиси яна бир бор Европа Иттифоқида қайта тикланадиган энергия манбаларини ривожлантириш ва қазиб олинадиган энергия манбаларидан воз кечиш муҳимлигини таъкидлади.
Изоҳ (0)