АҚШнинг 35-президенти Жон Кеннедининг невара жияни 28 ёшли Конор Кеннеди ўз Instagram’ида Украина халқаро легион таркибида жанг қилгани ҳақида гапириб берди.
У ҳарбий тажрибага эга бўлмаган ҳолда ушбу легионга аъзо бўлган, бироқ ҳақиқий фамилиясини ошкор қилмаган.
«Оилам ёки дўстларим хавотир олишларини, ёки бўлмасам, у ерда менга бошқача муносабатда бўлишларини хоҳламадим», — деб ёзади Конор.
Америкаликнинг сўзларига кўра, у бироз вақт шимоли-шарқий фронтда халқаро легион таркибида бўлган.
Конор уруш даҳшатли бўлганини, у қўрқувни ҳис қилганини тан олди.
«Бу уруш жорий юз йилликда демократия тақдирини белгилайди», — деб ёзди Конор. У одамларни бунда роль ўйнашга, ўз имкониятларидан келиб чиқиб, ёрдам қўлини чўзишга чақирди. «Легионга қўшилинг, чегарада ёрдам беринг ёки тиббий воситалар билан кўмак кўрсатинг. У ерда ҳар куни кимлардир тинчлик учун ҳамма нарсасини қурбон қилмоқда. Уларни ёлғиз қолдира олмаймиз», — дея хулоса қилди Жон Кеннедининг қариндоши.
Изоҳ (0)