Rossiya Xavfsizlik kengashi raisi o‘rinbosari Dmitriy Medvedev amerikalik tadbirkor Ilon Maskning Donbassda vaziyat qanday ketayotgani haqidagi savoliga javoban uni “G‘alaba kunida” Moskvaga taklif qildi.
Twitter’da Mask rossiyalik siyosatchidan Bahmutda ishlar qanday ketayotganini so‘radi.
Bunga javoban Medvedev “G‘alaba kuni Moskvada ko‘rishguncha”, deb yozdi.
Ularning Twitter’dagi bahsi Rossiya Xavfsizlik kengashi rahbari o‘rinbosarining Britaniya bosh vaziri Liz Trass bilan xayrlashuv tarzda yozgan kulgili tviti ortidan boshlandi. Trass 20-oktabr kuni iste’foga chiqishini e’lon qilgandi. Medvedev “Xayr Trass, salat barglarini esa tabriklayman” deb tvit qoldirgan. Salat bargi britaniyaliklarning haziliga ishora qiladi: ular qaysi uzoqroq qoladi – bosh vazirlikda Liz Trassmi yoki yangi holatda salat bargi, deb garov o‘ynamoqda. Mask Medvedevning ushbu hazilini “juda yaxshi trolling” deb atadi.
Bahmut — Donetskdan 60 kilometr shimolda joylashgan shahar. 2021-yil boshida shahar aholisi 72 ming kishini tashkil etgan. Bahmut yo‘nalishidagi faol janglar bir necha oydan beri davom etmoqda.
Izoh (0)