Qarshi shahri XTB mudirasi qamoqqa olingani aytilmoqda

Qashqadaryo viloyati Qarshi shahri xalq ta’limi bo‘limining amaldagi rahbari qamoqqa olingani aytilmoqda. Bu haqda “Nasafnews” xabar berdi.

Ta’kidlanishicha, shahar xalq ta’limi bo‘limi mudirasi gumon qilinuvchi tariqasida qamoqqa olingan. Bu ma’lumotni nashrga viloyat prokuraturasi axborot xizmati qisman tasdiqlagan.

Ma’lum qilinishicha, mudira Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan ayblanmoqda. Mudiraning vaqtincha gumonlanuvchi sifatida ushlab turilgani keltirilgan.

Jinoyat kodeksining 167-moddasiga ko‘ra, yetkazilgan moddiy zararning o‘rni qoplangan taqdirda ozodlikni cheklash va ozodlikdan mahrum qilish tariqasidagi jazo qo‘llanmaydi.

Mavzuga doir:

• Qarshi shahar XTBning 33 yoshli mas‘uli o‘z joniga qasd qildi
• Navoiy viloyati XTB mansabdorlariga nisbatan jinoyat ishi qo‘zg‘atildi