O‘zbekistonda qaysi viloyat aholisi elektrdan eng ko‘p noqonuniy foydalanayotgani aytildi

O‘zbekistonda o‘tgan 9 oy davomida elektr tarmoqlariga noqonuniy ulanish tufayli tizimga 26,1 millard so‘m zarar yetkazilgan. Bu haqda AOKAda o‘tkazilgan brifingda “O‘zenergoinspeksiya” axborot xizmati rahbari Navro‘z Norboboyev ma’lum qildi.

Qayd etilishicha, noqonuniy foydalanish holatlarining eng ko‘pi Surxondaryo, Qashqadaryo, Jizzax va Farg‘ona viloyatlarida aniqlangan. “O‘zenergoinspeksiya” va vakolatli organlar bilan kelishilgan holda o‘tkazilgan tadbirlarda elektr va issiqlik energiyasidan noqonuniy foydalangan 440 ta iste’molchi tomonidan 87,1 millard so‘m yetkazilgan zarar bo‘yicha qayta hisob-kitoblar amalga oshirildi.

Tekshiruvlarda noqununiy ulangan, qoniqarsiz texnik holatdagi jami 3608 ta elektr qurilmaning ishi hamda xavfsizlikka rioya qilmagan 35 ta brigadaning ishi to‘xtatildi.

Mavzuga doir:

• Samarqandda tuman elektr tarmoqlari korxonasi xodimi noqonuniy mayning ferma tashkil etgani aniqlandi
• O‘zbekistonda elektr va gaz tarmog‘iga o‘zboshimchalik bilan ulanib, bir necha yuz mln so‘m zarar yetkazganlarga jinoyat ishi qo‘zg‘atildi