Rossiya prezidenti Vladimir Putin Turizm bo‘yicha federal agentlik (“Rosturizm”) faoliyatini tugatish to‘g‘risidagi farmonni imzoladi. Farmonga ko‘ra, agentlik funksiyalari Rossiya Iqtisodiy rivojlanish vazirligiga o‘tkaziladi.
Kreml bu o‘zgarishlarning mohiyatini hali tushuntirmadi. “Rosturizm” rahbari Zarina Do‘g‘uzova ham organning bekor qilinishiga izoh bermadi.
Farmonda aytilishicha, bu “turizm sohasida davlat boshqaruvini takomillashtirish”, “turizm industriyasini rivojlantirish samaradorligini oshirish” va federal ijroiya hokimiyat organlarining “tuzilmasini optimallashtirish” maqsadida amalga oshirilgan.
“Rosturizm” 2004-yilda tashkil etilgan. Agentlik bevosita hukumatga hisobot berardi. 2019-yildan buyon “Rosturizm”ga Zarina Do‘g‘uzova rahbarlik qilib kelayotgan edi.
Izoh (0)