Россия президенти Владимир Путин Туризм бўйича федерал агентлик («Ростуризм») фаолиятини тугатиш тўғрисидаги фармонни имзолади. Фармонга кўра, агентлик функциялари Россия Иқтисодий ривожланиш вазирлигига ўтказилади.
Кремль бу ўзгаришларнинг моҳиятини ҳали тушунтирмади. «Ростуризм» раҳбари Зарина Дўғузова ҳам органнинг бекор қилинишига изоҳ бермади.
Фармонда айтилишича, бу «туризм соҳасида давлат бошқарувини такомиллаштириш», «туризм индустриясини ривожлантириш самарадорлигини ошириш» ва федерал ижроия ҳокимият органларининг «тузилмасини оптималлаштириш» мақсадида амалга оширилган.
«Ростуризм» 2004 йилда ташкил этилган. Агентлик бевосита ҳукуматга ҳисобот берарди. 2019 йилдан буён «Ростуризм»га Зарина Дўғузова раҳбарлик қилиб келаётган эди.
Изоҳ (0)