Donetskda jang qilayotgan harbiylar, Xarkovda “urush-urush” o‘ynayotgan bolalar. Urushning 238-kunidan fotoreportaj
19-oktabr kuni Vladimir Putin Ukrainaning anneksiya qilingan hududlarida harbiy holat joriy etish to‘g‘risidagi farmonni imzoladi. Rossiyaning Ukraina bilan chegaradosh viloyatlarida mahalliy hokimiyat organlariga komendantlik soati e’lon qilish, kirish va chiqishni tartibga solish, aholini evakuatsiya qilish imkonini beruvchi rejim joriy etilmoqda. Anneksiya qilingan Xerson viloyati hokimiyati vakillari Ukraina Qurolli kuchlarining hujumi boshlanganini e’lon qildi: viloyatning rossiyaparast ma’muriyati evakuatsiya qilingan, mahalliy aholi ham chiqib ketishga chaqirilgan. Ukraina hujum haqidagi mish-mishlarga izoh bermadi. Ukraina xalqi va Vladimir Zelenskiy Yevropa Ittifoqining inson huquqlari bo‘yicha asosiy mukofoti — Andrey Saxarov nomidagi “Fikr erkinligi uchun” mukofotiga sazovor bo‘ldi. Meduza urushning 238-kuniga oid asosiy fotosuratlar bilan bo‘lishdi.
Putin Ukrainaning bosib olingan hududlarida harbiy holat e’lon qildi
Putin Ukrainaning anneksiya qilingan hududlari – Donetsk va Lugansk xalq respublikalari hamda Xerson va Zaporojye viloyatlarining bosib olingan qismlarida harbiy holat joriy etish to‘g‘risidagi farmonni imzoladi. Farmonga ko‘ra, qo‘shib olingan hududlarda “hududiy mudofaa” yaratiladi, Rossiya Federatsiyasining yana sakkizta hududida “hujumlarga javobning o‘rta darajasi”, Markaziy va Janubiy federal okruglarda “yuqori tayyorgarlik darajasi”, qolgan hududlarda esa “bazaviy tayyorgarlik darajasi” joriy etildi.Foto: AP Photo
Donetsk viloyatidagi Ukraina artilleriyasi
Ukraina harbiylari Rossiya armiyasining hujumlariga javoban Polshaning 155 millimetrlik o‘ziyurar artilleriya qurilmasidan Donetsk viloyatidagi pozitsiyalarni o‘qqa tutmoqda. Donetsk viloyati harbiy ma’muriyati ma’lumotlariga ko‘ra, rus qo‘shinlari Donetsk yo‘nalishini faol ravishda o‘qqa tutmoqda. Marinskaya gramoda va Avdeyevka otishma ostida qoldi. Qurbonlar haqida ma’lumot olinmagan.Foto: AFP
Ukraina harbiylari Polshaning Krab artilleriya qurilmasi ichida.Foto: AFP
Ukrainalik harbiy Donetsk viloyatida front chizig‘i yonida chekmoqda.Foto: AFP
Ukraina Qurolli kuchlariga topshirilgan Krab artilleriya qurilmasi.Foto: AFP
Donetsk viloyatidagi front chizig‘iga yaqin o‘rmon ichida turgan Krab artilleriya qurilmasiFoto: AFP
Ukrainaning ozod qilingan hududlaridagi bolalar
Xarkov viloyati, Dubovoye qishlog‘ida bolalar Ukraina bayrog‘i o‘rnatilgan daraxtda o‘ynamoqda.Foto: Getty Images
Dubovoye qishlog‘i yaqinidagi yo‘l bo‘yida “Ukraina Qurolli kuchlari uchun qahva, choy” yozuvli plakat ko‘targan bola.Foto: Getty Images
Dubovoye qishlog‘ida tayoqni granatomyot qilib ko‘targan bola do‘sti bilan ishlatilgan kassetali o‘q-dorilar yonida o‘ynamoqda.Foto: Getty Images
Donetsk viloyati Shestakovka qishlog‘ida bolalar sovet Su-15 qiruvchi samolyotining nusxasi yonida turnikda osilmoqda.Foto: Getty Images
Urushning sakkiz oyi davomida Kiyev qanday o‘zgardi?
Dnepr daryosiga qarab turgan yigitlar.Foto: Getty Images
Ushbu ko‘p qavatli uyda 17-oktabr kuni Rossiya dronlarining hujumi oqibatida ikki kishi halok bo‘lgan edi. O‘sha kuni jami to‘rt kishi, jumladan, homilador ayol vafot etdi.Foto: Getty Images
Sofiya maydonida Mariupol qamalida halok bo‘lgan “Azov” bataloni jangchilarining fotosuratlari ko‘rgazmasi tashkil etildi.Foto: Getty Images
10-oktabr kuni Rossiya tomonidan o‘qqa tutilgan 101 Tower biznes markazining ko‘rinishi. Shuningdek, zarbalar Taras Shevchenko parki, Kiyev markazidagi suv ta’minoti tarmog‘i va “Klichko ko‘prigi” deb nomlanuvchi piyodalar va velosipedchilar ko‘prigiga teggan.Foto: Getty Images
Kiyevdagi maydonlardan birida ko‘cha musiqachilari. 19-oktabr kuni Kiyev elektr energiyasini tejashga kirishdi. 20-oktabr kuni butun Ukraina bo‘ylab elektr energiyasini uzatishda vaqtinchalik cheklov o‘rnatilmoqda.Foto: AP Photo
Izoh (0)