Navoiyda ixtisoslashtirilgan maktab direktori 10-sinf o‘quvchisini urishi oqibatida u hushini yo‘qotgani haqida xabarlar tarqaldi. Navoiy viloyati prokuraturasi holat yuzasidan tekshiruv harakatlari olib borilayotganini ma’lum qildi.
Aniqlanishicha, fuqaro X.J. Navoiy shahar IIBga murojaat qilib, qizi 2006-yilda tug‘ilgan voyaga yetmagan G‘.N.ni Navoiy shahar 11-sonli davlat ixtisoslashtirilgan umumta’lim maktabi direktori J.G. urib tan jarohati yetkazgani yuzasidan murojaat qilgan.
Mazkur holat yuzasidan Navoiy shahar IIB tomonidan tergovga qadar tekshiruv harakatlari olib borilayotgan bo‘lib, sud-tibbiyot ekspertizasi tayinlangan.
Tekshirish harakatlari Navoiy viloyati prokuraturasi tomonidan nazoratga olingan.
Izoh (0)