Sirdaryo viloyati Majburiy ijro byurosining Guliston shahri bo‘limi tomonidan aliment qarzdorliklarini undirish borasida ishlar olib borilmoqda. Ishlar natijasida erkak farzandiga 18 yoshgacha bo‘lgan aliment pullarini to‘lab berdi.
Qayd etilishicha, bugungi kunda ish yurituvida 1285 ta hujjatdan 220 tasi bo‘yicha undiruv qarzdorlarning ish haqiga qaratilgan. Ishsiz aliment to‘lovchilar yuzasidan 574 ta ijro hujjati intizomli va intizomsiz aliment to‘lovchilar guruhiga ajratilib, majburiy ijro harakatlari olib borilmoqda. Hozirgi kunda asosiy harakat ishsizlarning bandligini ta’minlashga yo‘naltirilgan.
Ishsiz aliment to‘lovchilarni doimiy ish o‘rniga ega bo‘lishlarini ta’minlash maqsadida ularni ishga joylashtirish va shu yo‘l bilan aliment qarzdorligini kamaytirish bo‘yicha ham tuman va shahar bandlikka ko‘maklashish bo‘limi bilan hamkorlikda mehnat yarmarkalari tashkil qilib kelinmoqda. Hamkorlikda o‘tkazilayotgan mehnat yarmarkalarida ishsiz yurgan aliment to‘lovchilarning 128 nafari doimiy hamda 36 nafari mavsumiy ishlarga joylashtirilgan.
Yil boshidan 497 ta ijro hujjati “Sud hujjatlari va boshqa organlar hujjatlarini ijro etish to‘g‘risida”gi qonunning 37, 40, 41-moddalari tegishli bandlariga asosan tamomlangan.
Fuqarolik ishlari bo‘yicha Guliston tumanlararo sudining ijro hujjatiga asosan qarzdor D.B.dan undiruvchi E.Ya. foydasiga bir nafar voyaga yetmagan farzandining moddiy ta’minoti uchun har oyda oylik ish haqi va boshqa daromadining 1/4 qism miqdorida aliment undirish to‘g‘risidagi ijro hujjati yuzasidan olib borilgan majburiy ijro harakatlari davomida qarzdordan undiruvchiga 43 million 20 ming so‘m aliment pullari farzandi 18 yoshga to‘lguniga qadar to‘liq undirib berildi.
Izoh (0)