Farg‘onada 224 mln so‘mlik qalbaki aksiz markali alkogol mahsulotlari saqlab kelinayotgani aniqlandi

Farg‘ona viloyatida qalbaki aksiz markali alkogol mahsulotlari muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti xabar berdi.

Qayd etilishicha, Bosh prokuratura huzuridagi departamentning Farg‘ona viloyati boshqarmasi tomonidan tergovga qadar tekshiruv o‘tkazilgan. Unda Yangiyo‘l tumanida faoliyat yurituvchi “Sh.S.” MCHJga qarashli omborxonada 5 xil turdagi umumiy bahosi 224,3 million so‘mlik 9363 dona qalbaki aksiz markali alkogol mahsulotlarini savdoga chiqarish uchun saqlab kelinayotgani aniqlanib, ashyoviy dalil sifatida olingan.

Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlarni yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• O‘zbekistonda alkogol mahsulotlari bilan bog‘liq qancha huquqbuzarlik aniqlangani aytildi
• Toshkent viloyatida etil spirti va qalbaki alkogol mahsulotlarini muomalaga kiritilishining oldi olindi