Ikkita sayyoh tyulen bolasi bilan selfi tushib bo‘lgandan so‘ng, uni bilmasdan o‘ldirib qo‘yganlikda ayblanmoqda. Ushbu voqea Irlandiyada sodir bo‘lgan.
Irlandiyadagi Buyuk Blasket orolidagi hayvonlarga g‘amxo‘rlik qiluvchi mahalliy aholi ushbu voqea haqida gapirib berishdi. Ularning aytishicha, ikki sayyoh suratga tushgan tyulenini bilmasdan o‘ldirib qo‘ygan. Kler de Haas va Brok Montgomeri olti oy davomida Kerri okrugidagi Buyuk Blasket orolida hayvonlarga qaragan.
Juftlik Peta Kenni shousida ikki sayyohning tasodifan tyulen bolasini o‘ldirganiga guvoh bo‘lganidan keyin dahshatga tushganliklarini aytgan. Kler: “Eng yomoni, ikki kishi yangi tug‘ilgan dengiz tyulenini ko‘tarib, uni dengizga tashlab, selfi olish uchun yana sohilga sudrab olib borishi bo‘ldi. Birinchi uch haftada tyulenlar suzishni bilmaydi, shuning uchun afsuski, ona tyulen bolasiga qaramaganidan keyin vafot etdi”, — deydi.
Uning so‘zlariga ko‘ra, ko‘plab sayyohlar tyulenlar bilan selfi tushish uchun ularni quvib, bezovta qiladi. Shuningdek Kler qo‘shimcha qildi: “Ko‘p holatlarda insonlar tyulenlarni ta’qib qilishadi yoki ularning orqasidan yugurishadi. Tyulenlar bilan selfi tushish uchun hamma narsani qilishadi. Bu haqiqatan ham achinarli”, — deydi.
Klerning aytishicha, orolda sayyohlarga hayvonlarga qanday g‘amxo‘rlik qilish haqida o‘rgatish uchun hech qanday belgi yo‘q. Juftlikning aytishicha, har kuni bitta johil turist tyulenlarni qo‘rqitib, boshqa sayyohlar uchun uni bezovta qiladi.
Mavzuga doir:
- Internetda baliq tutishga chiqqan erkakning mashhur memini yodga soluvchi tyulen videosi virus kabi tarqaldi.
- Semmi laqabli tyulen plyaj yulduziga aylandi. U o‘zini xuddi uy kuchugidek tutmoqda.
- Tyulen tryuklari bilan mushukni o‘ziga rom etishga urindi. Biroq u dengiz jonzotiga qayrilib ham qaramadi (video).
- Uchish-qo‘nish yo‘lagida dam olayotgan tyulen tarmoqni hayratga soldi (video).
Izoh (0)