Иккита сайёҳ тюлень боласи билан селфи тушиб бўлгандан сўнг, уни билмасдан ўлдириб қўйганликда айбланмоқда. Ушбу воқеа Ирландияда содир бўлган.
Ирландиядаги Буюк Бласкет оролидаги ҳайвонларга ғамхўрлик қилувчи маҳаллий аҳоли ушбу воқеа ҳақида гапириб беришди. Уларнинг айтишича, икки сайёҳ суратга тушган тюленини билмасдан ўлдириб қўйган. Клер де Ҳаас ва Брок Монтгомери олти ой давомида Керри округидаги Буюк Бласкет оролида ҳайвонларга қараган.
Жуфтлик Пета Кенни шоусида икки сайёҳнинг тасодифан тюлень боласини ўлдирганига гувоҳ бўлганидан кейин даҳшатга тушганликларини айтган. Клер: «Энг ёмони, икки киши янги туғилган денгиз тюленини кўтариб, уни денгизга ташлаб, селфи олиш учун яна соҳилга судраб олиб бориши бўлди. Биринчи уч ҳафтада тюленлар сузишни билмайди, шунинг учун афсуски, она тюлень боласига қарамаганидан кейин вафот этди», — дейди.
Унинг сўзларига кўра, кўплаб сайёҳлар тюленлар билан селфи тушиш учун уларни қувиб, безовта қилади. Шунингдек Клер қўшимча қилди: «Кўп ҳолатларда инсонлар тюленларни таъқиб қилишади ёки уларнинг орқасидан югуришади. Тюленлар билан селфи тушиш учун ҳамма нарсани қилишади. Бу ҳақиқатан ҳам ачинарли», — дейди.
Клернинг айтишича, оролда сайёҳларга ҳайвонларга қандай ғамхўрлик қилиш ҳақида ўргатиш учун ҳеч қандай белги йўқ. Жуфтликнинг айтишича, ҳар куни битта жоҳил турист тюленларни қўрқитиб, бошқа сайёҳлар учун уни безовта қилади.
Мавзуга доир:
- Интернетда балиқ тутишга чиққан эркакнинг машҳур мемини ёдга солувчи тюлень видеоси вирус каби тарқалди.
- Семми лақабли тюлень пляж юлдузига айланди. У ўзини худди уй кучугидек тутмоқда.
- Тюлень трюклари билан мушукни ўзига ром этишга уринди. Бироқ у денгиз жонзотига қайрилиб ҳам қарамади (видео).
- Учиш-қўниш йўлагида дам олаётган тюлень тармоқни ҳайратга солди (видео).
Изоҳ (0)