Ўзбекистонда 2022 йилнинг октябрь ойида малина нархларида ўсиш кутилганидан кўпроқ бўлди. Бу ҳақда EastFruit хабар бермоқда.
Ўтган ҳафтада янги малинанинг ўртача улгуржи нархи 43 фоизга ошди ва жорий мавсумда биринчи марта ўтган йилги даражадан юқори бўлди.
Нархлар мониторингига кўра, 2022 йил 7 октябрдан 14 октябргача янги малинанинг ўртача улгуржи нархи 35 минг сўмдан 50 минг сўм/кг гача ошган.
Шу билан бирга, 2022 йил 14 октябрь ҳолатига кўра, Ўзбекистонда малинанинг ўртача улгуржи нархи 2021 йилнинг шу санасига нисбатан 11 фоизга юқори бўлмоқда.
Деярли бутун 2022 йил мавсумда янги малинанинг улгуржи нархлари ўтган йилги даражадан паст бўлган, энг катта фарқ эса август ойининг учинчи ўн кунлигидан 2022 йил октябрь ойининг биринчи ўн кунлигигача кузатилган.
Бу даврда ушбу маҳсулотларнинг улгуржи нархлари ўтган йилги кўрсаткичдан 22-38 фоизга паст бўлган.
Бироқ 2022 йил октябрь ойи ўрталарида жорий мавсумда биринчи марта малинанинг улгуржи нархлари ўтган йилги даражадан ошиб кетди.
Бозор иштирокчиларининг фикрича, ушбу маҳсулотлар нархининг кескин ошиши ички бозорда таклифнинг сезиларли даражада қисқариши ва Ўзбекистонда малина йиғим-терим мавсумининг яқинлашиб келаётгани билан боғлиқ.
Изоҳ (0)