Халқаро иқтисодчиларнинг прогнозига кўра, глобал иқтисодий ўсиш 2023 йилда 2,2 фоизгача пасаяди. Жаҳон ялпи ички маҳсулоти эса 2,8 фоизга ошиши кутилмоқда. Бу ҳақда «Коммерсантъ» хабар бермоқда.
Пул-кредит сиёсатининг кескинлашуви ва пандемиядан сўнг тикланиш эффектининг тугаши фонида ўсиш суръатларининг секинлашиши ривожланган мамлакатларга, шунингдек, Осиё (Хитойдан ташқари), Жанубий Америка ва Яқин Шарқдаги ривожланаётган мамлакатларга ҳам таъсир қилади.
Сўровномада қатнашган иқтисодчиларнинг 45 фоизи энергия ресурслари таннархининг Европа мамлакатлари саноатига таъсирини «сезиларли», 55 фоизи «ўртача» деб баҳолайди. 64 фоизи Украинадаги можаро яқин 12 ой ичида якунланишини кутмаяпди.
Умуман олганда, экспертлар евроҳудуддаги ялпи ички маҳсулот ўсиши бу йилги 2,8 фоиздан кейинги 0,5 фоизгача пасайишини кутмоқда.
2023 йилда Хитой иқтисодиётининг ўсиши бу йилги 3,4 фоиздан 5 фоизгача тезлашиши мумкин. Шу билан бирга, бундай нисбатан паст кўрсаткичлар глобал ўсишга таъсир қилади, чунки мамлакат жаҳон ялпи ички маҳсулотининг бешдан бир қисмини ташкил қилади.
Инфляция жорий йилнинг охирида энг юқори чўққисига чиқади ва келгуси йилда секинлашади, бироқ кўплаб ривожланаётган мамлакатларда валюталарининг заифлашиши туфайли юқорилигича қолади. G7 мамлакатларида инфляция бошқа минтақаларга қараганда паст бўлади.
Прогнозга кўра, товар нархлари 2023 йилда жорий йил бошига нисбатан бироз юқорироқ бўлади. Нефть нархи бир баррель учун 90 долларгача тушади, чунки хавфлар иқтисодчилар ОПЕК+ келишувининг нархларга таъсири ва Россия экспортининг янада қисқаришига ишора қилмоқда.
Изоҳ (0)