Buxoro va Jakarda o‘rtasida aviaqatnovlar tashkil etilishi mumkin

Jakarta—Buxoro—Jakarta yo‘nalishida aviaqatnovlarni tashkil etish imkoniyatlari muhokama etildi, deb xabar bermoqda Transport vazirligi matbuot xizmati.

Qayd etilishicha, Transport vazirligi, Uzbekistan Airports, Buxoro xalqaro aeroporti, O‘zbekistonning Indoneziyadagi elchixonasi rahbariyati va O‘zbekiston sayyohlik kompaniyalari vakillari Indoneziyaning Garuda Group aviakompaniyasi prezidenti va bosh direktori Irfan Setiaputra bilan uchrashdi.

Uchrashuv davomida fuqaro aviatsiyasi sohasidagi hamkorlik aloqalarini rivojlantirish masalalari va istiqbollari muhokama etildi. O‘zbekiston sayyohlik kompaniyalari tomonidan Jakarta—Buxoro—Jakarta yo‘nalishida muntazam aviaqatnovni tashkil etish taklif etildi.

Garuda Group kompaniyasi rahbariyati mazkur taklifning iqtisodiy samaradorligini baholash maqsadida birinchi navbatda bozor va mavjud talabni o‘rganish uchun charter qatnovlarini tashkil etishni ko‘rib chiqishni ma’lum qildi.

Mavzuga doir:

• Yaponiyadan O‘zbekistonning tarixiy shaharlariga aviareyslar yo‘lga qo‘yilishi rejalashtirilmoqda
• O‘zbekiston va Saudiya Arabistoni havo qatnovi to‘g‘risida bitim imzolaydi