Qoraqalpog‘iston Jo‘qorg‘i Kengesining navbatdan tashqari 37-sessiyasida Amanbay O‘rinbayevga yangi o‘rinbosar saylandi. Bu haqda Jo‘qorg‘i Kenges axborot xizmati xabar berdi.
Amanbay O‘rinbayevning yangi o‘rinbosari sifatida ish boshlagan Rustam Saparbayev 2021-yildan shu kungacha Vazirlar Kengashi raisining jamoat tashkilotlari va diniy tashkilotlar bilan aloqalar bo‘yicha o‘rinbosari lavozimida faoliyat yuritgan.
2022-yilning avgust oyida Amanbay O‘rinbayev va Rustam Saparbayev Jo‘qorg‘i Kenges deputati etib saylangandi.
Rustam Saparbayev 1982-yili Qo‘ng‘irot tumanida tug‘ilgan bo‘lib, ma’lumoti bo‘yicha mutaxasisligi — yurist, siyosatshunos. U 2004-yili Qoraqalpoq davlat universitetini, 2008-yili O‘zbekiston Respublikasi Strategik tahlil va istiqbolni belgilash oliy maktabini tugatgan.
Eslatib o‘tamiz, 2020-yildan ayni kunga qadar Jo‘qorg‘i Kenges raisi o‘rinbosari lavozimida Otabek Davletov faoliyat yuritgan. Sobiq o‘rinbosar qaysi lavozimda ish boshlagani hozircha noma’lum.
Izoh (0)