Harakatlanayotgan avtomashina “lyuki”dan tanasini chiqarib olib, qoidabuzarlik sodir etgan yo‘lovchi jarimaga tortildi. Bu haqda “Daryo”ga Farg‘ona viloyati IIB JXX yo‘l harakati xavfsizligi boshqarmasi axborot xizmati ma’lum qildi.
Qayd etilishicha, ijtimoiy tarmoqlarda harakatlanayotgan Lacetti mashinasi ichida bo‘lgan yo‘lovchi avtomobil “lyuki”dan tanasini chiqarib olgani aks etgan foto tarqaldi. Viloyat IIB xodimlari tomonidan olib borilgan surishtiruv ishlari davomida qoidabuzarlarning shaxsiga aniqlik kiritilgan.
Avtomashina haydovchisi yo‘lovchining xatti-harakatlariga nisbatan e’tiborsiz bo‘lib, yo‘l harakati qoidalarining 154-bandida nazarda tutilgan huquqbuzarlikni sodir etgani uchun jarimaga tortilgan.
Yo‘lovchiga nisbatan yo‘l harakati qoidalarining 11-bandida nazarda tutilgan qoidabuzarlikni sodir etgani uchun ma’muriy bayonnoma rasmiylashtirilgan.
Izoh (0)