UFC sobiq jangchisi, hozirda ekspert va tahlilchi sifatida faoliyat yuritayotgan Cheyl Sonnen Habib Nurmagomedov va Konor Makgregor o‘rtasida revansh jangining nima sababdan tashkil etilmaganini izohladi.
Sonnenning so‘zlariga ko‘ra, bu bahsning amalga oshmay qolishiga asosiy sabab — noto‘g‘ri vazn toifasining tanlangani bo‘lgan.
Habib – Konor revanshini ko‘rolmaganimizning sababi shundaki, ular to‘g‘ri vazn toifasini tanlamadi. Agar 70,3 kg o‘rniga 77,1 kg vaznda jang qilishganda, bu bahs albatta tashkil etilardi.Xuddi shunga o‘xshash vaziyat yaqinda Islom Maxachev bilan ham sodir bo‘ldi. Uning faoliyatini xuddi Habibda bo‘lgani kabi 70,3 kg vazn toifasida davom ettirishga majburlash yoki uni 77,1 kg toifasiga o‘tkazishga ruxsat berish mumkin. Ammo u doimiy ravishda vazn tashlab jang qilishga qodir emas. Bu — aralash jang san’atidagi eng qiyin jarayonlardan biri, — deya ta’kidladi Sonnen WiseNuts YouTube kanaliga bergan intervyusida.
Eslatib o‘tamiz, Habib Nurmagomedov va Konor Makgregor 2018-yilda UFC tarixidagi eng mashhur janglardan birida to‘qnash kelgan edi. O‘sha jangda Habib to‘rtinchi raundda bo‘g‘ish usuli bilan Konorni mag‘lubiyatga uchratgan.
Izoh (0)