O‘zbekistonda qaysi viloyat aholisi eng ko‘p ekani ma’lum qilindi

Davlat statistika qo‘mitasi 2022-yilning 1-oktabr holatiga ko‘ra O‘zbekistondagi eng katta hududiy birliklarning doimiy aholisi soni haqida ma’lumot berdi.

Unga ko‘ra, eng ko‘p aholi Samarqand viloyatida joylashgan. Hududda 4 million 94,6 ming kishi yashaydi. Keyingi o‘rinlardan Farg‘ona va Qashqadaryo viloyatlari o‘rin olgan bo‘lsa, aholisi soni eng kam hudud hali hamon — Sirdaryo viloyati. Hudud 1 million nafar aholiga ega bo‘lmagan yagona viloyat hisoblanadi.

To‘liq ro‘yxat quyidagicha:

• Samarqand viloyati – 4 094,6 ming kishi;
• Farg‘ona viloyati – 3 954,2 ming kishi;
• Qashqadaryo viloyati – 3 461,4 ming kishi;
• Andijon viloyati – 3 304,2 ming kishi;
• Toshkent viloyati – 2 977 ming kishi;
• Namangan viloyati – 2 979,3 ming kishi;
• Toshkent shahri – 2 934,1 ming kishi;
• Surxondaryo viloyati – 2 789,3 ming kishi;
• Buxoro viloyati – 2 000,3 ming kishi;
• Qoraqalpog‘iston R. – 1 970,6 ming kishi;
• Xorazm viloyati – 1 947,1 ming kishi;
• Jizzax viloyati – 1 466,6 ming kishi;
• Navoiy viloyati – 1 050,1 ming kishi;
• Sirdaryo viloyati – 892,2 ming kishi.