Qashqadaryoda Gentra yo‘l chetiga chiqib ketib ag‘darilishi oqibatida yo‘lovchi vafot etdi

Qashqadaryo viloyatining G‘uzor tumanida Gentra YTHga uchrashi oqibatida bir kishi vafot etdi.

Viloyat IIB matbuot xizmatining ma’lum qilishicha, voqea 14-oktabr kuni soat 14:00 larda 4R-79 Qarshi—Chim—Chiroqchi—Shahrisabz avtomobil yo‘lining 25-kilometrida yuz bergan. Haydovchi E.X. Lacetti (Gentra)ni G‘uzor tumani Qovchin qishlog‘i hududida haydab ketayotib boshqaruvni yo‘qotishi natijasida yo‘lning chap tomoniga chiqib ketib, ag‘darilgan.

Natijada Lacetti E.X. tan jarohati olib, shifoxonaga yotqizilgan, yo‘lovchi sifatida ketayotgan X.E. shifoxonada vafot etgan.

Hozirda mazkur holat yuzasidan G‘uzor tumani IIB huzuridagi TB tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilgan.

Mavzuga doir:

• Andijonda Lacetti yo‘lda qayrilib olayotgan traktorga borib urildi
• Surxondaryoda 14 yoshli qarindoshlar boshqaruvidagi Nexia YTHga uchradi: qurbon bor (video)
• Samarqandda Matiz katta tezlikda “ZIL”ga borib urildi. Haydovchi vafot etgan