Toshkent shahri Yunusobod tumanida yangi qad ko‘targan va zamon talablariga mos jihozlangan Yoshlar innovatsion maskani va Bolalar psixologiyasi markazi binosi foydalanishga topshirildi.
Yangi binoning ochilish marosimiga bag‘ishlangan tadbirda bosh vazir o‘rinbosari Z.Mahkamova, Milliy gvardiya qo‘mondoni R. Jurayev, Senat a’zosi, madaniyat, sport va yoshlar masalalari bo‘yicha qo‘mita raisining o‘rinbosari D.Toshmuhammedova, Sog‘liqni saqlash vaziri o‘rinbosari E.Bositxonova, bola huquqlari bo‘yicha vakil (ombudsman) A.Yunusova, Toshkent shahri hokimining jamoatchilik, mahalla va nuroniylar masalalari bo‘yicha maslahatchisi R.Kolonov, Yunusobod tumani hokimi B.Abduvaliyev, xalq ta’limi vaziri o‘rinbosari V.Rajabov, muassasa rahbari va mutaxassis xodimlari, shuningdek, jamoatchilik vakillari ishtirok etdi.
Tashrif buyurgan mehmonlar binoning rasmiy ochilish marosimidan so‘ng birinchi qavatda joylashgan Yoshlar innovatsion maskanidagi dasturlash, aero-modellashtirish va robototexnika yo‘nalishlari bo‘yicha zamon talablariga mos jihozlangan o‘quv sinf xonalari bilan, undan so‘ng ikkinchi qavatda joylashgan Bolalar psixologiyasi markazi tarkibidagi bolalar psixologiyasi, artterapiya, geshtalt terapiya, yoga va xoreografiya bo‘yicha mashg‘ulotlar o‘tkazish uchun barcha sharoitlar yaratilgan xonalar bilan yaqindan tanishdi.
Tadbir mobaynida ushbu maskan barpo etilishida yaqindan ko‘makdosh bo‘lgan bir qator mutasaddilar Milliy gvardiya qo‘mondonining buyrug‘i bilan “Ma’naviyat a’lochisi” ko‘krak nishoni, esdalik qo‘l soati hamda faxriy yorliq bilan taqdirlandi.
Izoh (0)