Vladimir Norov raisligida Tashqi ishlar vazirligi hay’atining yig‘ilishi bo‘lib o‘tdi.
Vazirlik matbuot xizmatining xabar berishicha, unda O‘zbekiston fuqarolarining xorijdagi qonuniy huquq va erkinliklarini himoya qilish, shuningdek, vatandoshlar bilan aloqalar yo‘nalishlarida vazirlik va xorijiy muassasalar faoliyatini har tomonlama jadallashtirishga alohida e’tibor qaratildi.
O‘zbekistonning xalqaro tashkilotlar bilan madaniyat, fan va ta’lim, sog‘liqni saqlash, sport va turizm, gumanitar aloqalar sohalaridagi hamkorligiga doir dolzarb vazifalar ko‘rib chiqildi.
TIV tizimining kadrlar salohiyatini oshirish masalalari ham muhokama qilindi.
O‘zbekistonning xorijdagi diplomatik vakolatxonalari rahbarlari ham videokonferensaloqa orqali qatnashgan uchrashuv yakunida mas’ullarga aniq topshiriqlar berildi.
Izoh (0)