“Barselona” bosh murabbiyi Xavi La Liga doirasida “Real”ga qarshi kechadigan o‘yin oldidan o‘z fikrlari bilan o‘rtoqlashdi.
O‘yin haqidaO‘yin 16-oktabr, yakshanba kuni Toshkent vaqti bilan 19:15 da start oladi.Bu uch ochko. G‘alaba biz uchun ham, “Real” uchun ham suv va havodek zarur. Kim birinchi o‘ringa chiqishini vaqt ko‘rsatadi.
“Real”ga qarshi o‘ynash menga yoqadi. Musobaqalashishni yoqtiraman. Futbolchi sifatida ham bunday o‘yinlarda yana qatnashishni xohlardim. “Inter”ga qarshi o‘yin haqida ham shunday deyish mumkin. Bunday o‘yinlarda o‘z darajangni ko‘rsatging keladi. Biroq murabbiy sifatida ham o‘zingni kuchli tomonlaringni ko‘rsatishga intilasan.
Motivatsiya maksimal darajada, bu chempionatda muhim qadam bosishimiz uchun imkoniyat. Pozitsion hujum qilishni xohlaymiz, “Real”ni o‘z yarim maydoniga qamab qo‘yish istagidamiz.
G‘alaba uchun har qanday ishga qo‘l urmoqchi emasman. Bunday qilish yaramaydi. Maqsad — yaxshi o‘yin bilan g‘alaba qilish: yurish bizdan bo‘lsin, pressingda agressivlik ko‘rsataylik. Lekin odamlar natijaga e’tibor qaratadi va bu tabiiy hol.
“Barselona” loyihasi haqida
Loyiha hamon qurilish jarayonida. Chempionlar Ligasidagi omadsizlik jahlimizni chiqaryapti, biroq to‘g‘ri yo‘ldamiz. La Ligada ajoyib holatdamiz. Yevroda ishlarimiz u qadar yaxshi ketmayapti, ammo loyiha hali qurilish bosqichida. Va hozir uni buzib tashlay olmaymiz.
Oldingidek bu loyihaga pozitiv va optimistik ruhda qarayman. Ishlashda davom etishni istayman, ammo “Barselona” uchun hech qachon muammo bo‘lmayman, yo‘qsa uyga ketgan bo‘lardim. “Barsa” uchun yechim bo‘lishni istayman, shuning uchun bu yerdaman. Hech qachon muammo bo‘lmayman.
O‘ziga nisbatan bo‘lgan tanqidlar borasida
Shubhalar borligini tushunaman. Qayerda ekanimni bilaman. Boshqa hech narsa deyolmayman. Biz yutishimiz kerak bo‘lgan kunda muvaffaqiyatsizlikka uchradik. Afsusdaman. Xafaman. Biroq to‘xtab qolmaymiz, pozitivlikni saqlab qolish kerak.
Vaziyatni o‘zgartirish uchun jamoani qabul qilib olganimga bir yil bo‘lmadi. Bu ishni qilish mumkinligini ko‘ryapman. Hozircha xulosalar qilishga erta. Yevropada omadsizlikka uchradik, biroq La Ligada emas.
Xoan Laporta haqida
Laporta menga maksimal darajada ishonch bergan, oldinda ko‘plab mavsumlar bor. U juda optimistik kayfiyatda, u fenomen.
Bu Chempionlar Ligasi bizga nisbatan juda shafqatsizlik qilmoqda. Ammo to‘g‘ri yo‘ldamiz, bizda hammasi yaxshi.
Xavi, “Barselona” bosh murabbiyi
Mavzuga doir: Karlo Anchelotti “El-Klasiko” oldidan: “Barselona”ning YCHLda omadi chopmayotgandir, biroq La Ligada juda kuchli
Izoh (0)