Madridning “Real” klubi bosh murabbiyi Karlo Anchelotti La Liga doirasida “Barselona”ga qarshi kechadigan o‘yin oldidan o‘z fikrlari bilan o‘rtoqlashdi.
O‘yin haqidaO‘yin 16-oktabr, yakshanba kuni Toshkent vaqti bilan 19:15 da start oladi.Tarkibda eksperiment qilish niyatim yo‘q. O‘tgan mavsumda nimadir qilmoqchi bo‘lgandim, natija esa chappasiga ketgan (“Real” 0:4 hisobida yutqazgandi).
Nima qilishini aniq biladigan jamoani o‘yinga tushiraman. Biz yuqori saviyali jamoaga qarshi o‘ynaymiz, shu bois har bir chiziqda kuchli o‘ynashimiz kerak. Faqat shu yo‘l bilan o‘yinlar va musobaqani yutish mumkin.
Futbolchilarga hech qanday rolik ko‘rsatmadim. Ular kimga qarshi o‘ynashini juda yaxshi biladi. O‘tgan mavsumdagi natija bizga ta’sir qilmaydi, bu yangi chempionat va yangi klasiko.
Bu hal qiluvchi o‘yin emas. U muhim, biroq mavsum uzun va hammasi endi boshlanyapti.
“Barselona” borasida
Raqib odatda birinchi bo‘limni juda kuchli o‘tkazadi, biz esa tanaffusdan keyin yaxshiroq harakat qilamiz. Bu mazkur o‘yinga ta’sir qiladimi yoki yo‘q bilmayman, biroq inobatga olib qo‘yish kerak.
“Barselona” 1-turni inobatga olmaganda chempionatdagi barcha o‘yinni yutdi. Ular yaxshi formada. Ularda YCHLda muammo yuzaga keldi, biroq bu bunday musobaqa uchun normal holat. La Ligada “Barselona” ajoyib harakat qilyapti.
“Inter”ga qarshi o‘yindagi mag‘lubiyat jamoa ta’sir ko‘rsatadimi yoki yo‘q, bilmayman. Yaxshi mavsum o‘tkazish uchun ularda yaxshigina shakllangan tarkib bor. Bizning o‘yin uslub “Inter”nikidan farq qiladi, biroq qayd etish kerak, milanliklar o‘sha o‘yinda xarakter namoyish qildi. Ular o‘tkazib yuborilgan goldan keyin taqdirga tan bermadi. Ammo bu o‘yin butkul boshqacha bo‘ladi.
Futbolchilarning holati haqida
Tibo Kurtuaning holati yomon emas, biroq u kam shug‘ullandi. U bu o‘yinda qatnasha olmaydi. Ryudigerda hammasi joyida, shunchaki yarasini himoya qilish uchun niqob taqishi kerak, xolos. U jangchi.
Benzama bu haftada ancha yaxshi formada. U haqiqatda o‘yiniga qo‘shdi. Ishonchim komil, o‘yinda u biz ko‘rishga ko‘nikib qolgan darajani namoyish etadi.
“Barselona”ning “tiki-taka”si haqida
Ularning tarixi barcha ma’lum, “Barselona”ning o‘yin uslubi bor va u o‘z muxlislarga yoqadi. Men bunga hurmat bilan qarayman. Bu o‘yni falsafasi klubga muvaffaqiyat keltirgan.
Boshqa jamoalarning ham o‘z uslubi bor. Fikrimcha, bir xil uslubda to‘p surish yaxshi g‘oya emas, chunki futbolchilar ba’zan almashadi. Muhimi futbolchilar jamoa qo‘llaydigan uslubda o‘zini yaxshi his qilishi.
Karlo Anchelotti, “Real” bosh murabbiyi
Izoh (0)