Professional boks bo‘yicha yengil vazn (-61,2 kg) toifasining mutlaq chempioni Devin Heyni (29-0, 15 KO) va Jorj Kambosos (20-2, 10 KO) o‘rtasida revansh jangi Toshkent vaqti bilan 16-oktabr tongida bo‘lib o‘tdi.
Avstraliyaning Melbrun shahrida o‘tkazilgan boks kechasining markaziy jangi to‘liq 12 raund davom etdi. Yakunda hakamlar bir ovozdan Heynining g‘alabasini qayd etdi — 119-109, 118-110, 118-110.
Ular o‘rtasidagi dastlabki jang 2022-yilning iyunida Melburnda o‘tkazilgan. Unda ham 23 yoshli amerikalik bokschi ochkolar evaziga (116-112, 116-112, 118-110) g‘alaba qozongandi.
Shu tariqa Heyni o‘ziga tegishli WBC, WBA Super, IBF va WBO kamarlarini muvaffaqiyatli himoya qildi.
Izoh (0)