Professional boksning og‘ir vazn toifasida WBC sobiq chempioni Deontey Uaylder (43-2-1, 42 KO) Toshkent vaqti bilan 16-oktabr tongida Bruklinda (AQSH) o‘zining navbatdagi jangini o‘tkazdi.
Uaylderga bu jangda finlyandiyalik Robert Helenius (31-4, 19 KO) raqiblik qildi. Jangning birinchi raundi yakunlanib borayotgan bir vaqtda Uaylderning o‘zining kuchli zarbasi bilan raqibini chuqur nokaut holatiga tushirdi.
Shu tariqa Uaylder deyarli uch yillik tanaffusdan keyin g‘alabaga erishdi. Bundan avval amerikalik bokschi Tayson Fyuriga qarshi ikkita jang o‘tkazgan (2020 va 2021-yillar) va ularning ikkisida ham mag‘lubiyatga uchragandi.
Izoh (0)