“Daryo” internet-nashri hamda Toshkent shahri hokimligi qoshidagi Jamoatchilik kengashi hamkorligida tashkil etilgan “Mahalla. Muammo. Mulohaza” loyihasining 2-soni mehmoni — Telegram’dagi “Kurbanoff.net” kanali muallifi, iqtisodchi Shuhrat Qurbonov bo‘ldi. Ko‘rsatuvning bu galgi mavzusi — onlayn firibgarlik.
Shuhrat Qurbonov dastur davomida plastik karta yo‘qolganda, ichidagi pullarni saqlab qolishning Yevropada tarqalgan usuli haqida ma’lumot berdi.
Yevropada bitta layfhak bor. Kartaning orqasiga qalam bilan noto‘g‘ri PIN-kod yozib qo‘yiladi. Topib olgan firibgar “tushunmagan odam parolini yozib qo‘yibdi” deb o‘ylab, bankomatga teradi, uch martadan keyin karta blokka tushadi. Shu orqali saqlab qolish mumkin pullarni.Misol uchun, 3 ta 7 yozasiz, oxirgi raqami sal boshqacharoq, tushunarsiz yozilsin, 2 ga ham, 7 ga ham o‘xshaydigan qilib. Bir teradi “7777” qilib — xato; ikki teradi “7772” qilib — yana xato. Uchinchisida karta bloklanadi.
Bu ham bir yo‘li-da. Karta parolini istalgan payt o‘zgartirish mumkin, cheklov yo‘q, xohlasangiz, har kuni o‘zgartiring”.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (1)
Man bank kartamni yo'qotganimga 4-5 oy bo'lyabdi.
Lekin, uni bloklatmaganman ham!
Online ravishda boshqarib ishlatib yuribman.