AQSHda sentabr oyida iste’mol narxlari (CPI indeksi) o‘tgan yilning shu oyiga nisbatan 8,2 foizga o‘sdi. Bu haqda mamlakat Mehnat vazirligi ma’lumotlariga tayanib, Bloomberg xabar bermoqda.
Shunday qilib, inflyatsiya avgust oyida 8,3 foizdan sekinlashdi, lekin Bloomberg va Trading Economics tomonidan so‘ralgan tahlilchilar tomonidan kutilgan 8,1 foizdan yuqori bo‘ldi.
Energiya narxining o‘sishi avgustda 23,8 foizga oshganidan keyin o‘tgan oyda 19,8 foizgacha sekinlashdi. Jumladan, benzin 18,2 foizga, elektr energiyasi 15,5 foizga, tabiiy gaz 33,1 foizga qimmatlashdi.
Shu bilan birga, oziq-ovqat narxlari bir oy oldingi 11,4 foizdan keyin 11,2 foizga o‘sdi. Shuningdek, sentyabr oyida CPI indeksi avgustga nisbatan 0,4 foizga oshdi.
Oziq-ovqat va energiya xarajatlarini hisobga olmaganda iste’mol narxlari (asosiy CPI indeksi) sentyabr oyida yillik ko‘rsatkichda 6,6 foizga va oylik ko‘rsatkichda 0,6 foizga o‘sdi.
Bu 1982-yil avgustidan beri 40 yillik maksimal darajadir. Avgust oyida o‘sish yil davomida 6,3 foiz va oy uchun 0,6 foizni tashkil etgandi.
AQSH Federal zaxira tizimi (Fed) pul-kredit siyosati bo‘yicha qarorlar qabul qilishda muhim omillardan biri bo‘lgan iste’mol narxlarining o‘sish sur’atlari haqidagi ma’lumotlarni diqqat bilan kuzatib boradi. Fed uchun inflyatsiya maqsadi 2 foizga tengdir.
Izoh (0)