13-oktabrdan O‘zbekiston va Eron Islom Respublikasi hukumatlari o‘rtasidagi ishbilarmon va ilmiy doiralar vakillari hamda sayyohlik guruhlar uchun viza jarayonlarini soddalashtirish to‘g‘risidagi bitim kuchga kirdi.
Foto: Prezident matbuot xizmati
Mazkur Bitim Eron Islom Respublikasi prezidentining 14—16-sentabr kunlari O‘zbekistonga rasmiy tashrifi doirasida imzolangan.
TIV Shartnoma-huquq departamenti ma’lumotiga ko‘ra, mazkur hujjat 11 moddadan iborat bo‘lib, uning kuchga kirishi ikki mamlakat o‘rtasidagi do‘stona munosabatlarni mustahkamlash, savdo-iqtisodiy, turizm, fan va ilmiy faoliyat sohalaridagi aloqalarni rivojlantirishga xizmat qiladi.
Avvalroq Eron Islom Respublikasi Prezidenti Sayid Ibrohim Raisiy O‘zA muxbiri bilan suhbatda ikki davlat o‘rtasida vizasiz rejim joriy qilish masalasiga to‘xtalib o‘tgan edi.
Izoh (0)