Og‘ir jinoyatlar sodir etgani uchun xalqaro qidiruvda bo‘lgan ikki nafar O‘zbekiston fuqarosi qo‘lga olinib, chet eldan ekstraditsiya qilindi. Bu haqda Interpolning O‘zbekistondagi Milliy markaziy byurosi xabar berdi.
Ma’lum qilinishicha, ularini ekstraditsiya qilish O‘zbekiston, Ukraina, Polsha va Turkiya Milliy markaziy byurolari xodimlarining hamkorlikdagi tezkor harakatlari hamda O‘zbekistonning Polshadagi elchixonasi vakillarining bevosita yordami bilan amalga oshirildi.
Qidiruvdagilardan biri giyohvand moddalar savdosi bilan bog‘liq jinoyatni sodir etganlikda ayblangan bo‘lib, uzoq vaqt davomida chet elda yashirinib kelgan va tezkor tadbirlar natijasida ukrainalik hamkasblar tomonidan hibsga olingan.
O‘zbekistonda Internet platformasida jinoyatchi tomonidan yaratilgan moliyaviy piramidaga 2 million AQSH dollari miqdorida sarmoya kiritgan, ikki mingdan ortiq fuqaroni aldagan ikkinchi yirik kripto firibgar esa xorijiy davlat hududida aniqlanib, hibsga olingan.
O‘zbekiston Bosh prokuraturasi tomonidan ekstraditsiya qilish to‘g‘risidagi iltimosnoma tasdiqlangandan so‘ng, Interpol MMB xodimlari hamrohligida ular munosib jazo olish uchun O‘zbekistonga olib kelingan.
Izoh (0)