Shavkat Mirziyoyev Ostona shahrida Osiyoda hamkorlik va ishonch choralari bo‘yicha kengashning oltinchi sammitida so‘zlagan nutqida Osiyo mamlakatlari iqtisodiyotini global inqirozning o‘sib borayotgan salbiy oqibatlariga moslashtirish bo‘yicha qator tashabbuslarni ilgari surdi.
Xususan:
- proteksionizmning kuchayishiga, global bozorlarni beqaror qiladigan omillarni, jumladan yangi cheklovlarning joriy etilishiga yo‘l qo‘ymaslik;
- Osiyo qit’asida o‘zaro bog‘liqlikni, birinchi galda, ishlab chiqarish-logistika zanjirini, Markaziy Osiyoni Janubiy va Sharqiy Osiyo, shuningdek, Yaqin Sharq bilan samarali bog‘lovchi transport yo‘laklarini yaratish;
- jahon sanoat inqilobining yangi bosqichiga o‘tishning asosi bo‘lgan bilimlar iqtisodiyotini ilgari surish;
- innovatsiyalar transferi salohiyatini yanada to‘liqroq ishga solish, raqamlashtirishni faol rag‘batlantirish, yuqori texnologiyalar, sun’iy intellekt, Internet tizimlarini rivojlantirish maqsadga muvofiqligi ta’kidlandi.
Ushbu barcha masalalar FAO shafeligida 2023-yilda O‘zbekistonda bo‘lib o‘tadigan xalqaro konferensiyada muhokama qilinadi.
Ekologiya muammolarini hal qilish uchun sa’y-harakatlarni birlashtirishni hamda mamlakatlarimizni jadal ko‘klamzorlashtirish va ekotizimlar bog‘liqligini qo‘llab-quvvatlash masalalari bo‘yicha “Yashil Osiyo” konseptual dasturi doirasida doimiy ekspert maslahatlashuvlarini yo‘lga qo‘yishni taklif qilindi.
So‘zining yakunida O‘zbekiston rahbari zamonaviy tahdidlarni faqat muloqot, bir-birining manfaatlarini hisobga olish, umume’tirof etilgan xalqaro huquq me’yorlariga amal qilish orqali samarali yengib o‘tish mumkinligiga ishonch bildirdi.
Mavzuga doir:
- Shavkat Mirziyoyev xalqaro munosabatlarda mojarolarning avj olishiga nima sabab bo‘layotganini aytdi
- Shavkat Mirziyoyev 2023-yil Samarqandda “Avlodlar muloqoti” uchrashuvi o‘tkazishni taklif qildi
- Shavkat Mirziyoyev Afg‘oniston muvaqqat hukumati bilan xalqaro muzokaralar guruhini tuzishni taklif qildi
Izoh (0)