Toshkent shahri Yakkasaroy tumani hududidagi kichik halqa avtomobil yo‘lida 6-oktabr kuni to‘rtta transport vositasi ishtirokida yo‘l-transport hodisasi sodir bo‘ldi. Bu haqda shahar ichki ishlar bosh boshqarmasi xabar bermoqda.
- 2000-yilda tug‘ilgan K.X. boshqaruvidagi Nexia-3;
- 1987-yilda tug‘ilgan R.A. boshqaruvidagi Spark;
- 1993-yilda tug‘ilgan B.S. boshqaruvidagi Nexia-3;
- 1980-yilda tug‘ilgan D.G. boshqaruvidagi Jetour transport vositalari to‘qnashgan.
Dastlabki olingan ma’lumotga ko‘ra, Nexia-3 (davlat raqami 01 J 947 OV) transport vositasi haydovchisi yo‘l harakati qoidalariga rioya etmasdan, yo‘lning qarama-qarshi qismiga chiqib harakatlangan va boshqa transport vositasi bilan to‘qnashgan. Oqibatda to‘rtta avtomashina ishtirokidagi yo‘l-transport hodisasi sodir bo‘lgan.
To‘qnashuv sabab Spark haydovchisi, shuningdek, yo‘lovchisi — voyaga yetmagan (2013-yilda tug‘ilgan) J.J. tan jarohatlari olib, tibbiyot muassasasiga olib borilgan. Mazkur holat yuzasidan shahar IIBB YHXB tomonidan tergovga qadar tekshiruv o‘tkazilmoqda.
Izoh (0)